Les mots surlignés font l'objet d'une note
1Madame, il y a quelques jours que je receus une lettre venant de votre part que madame
2Catherine de Champs, ma belle seur, religieuse de Sainct Serny à Toulouse,
3m’envoyoit, où elle mescript et prie rembourcer la somme de quatre vingt livres
4quelle a pris à Toulouze de Monsieur le Chanoyne Mazel, me priant le
5de Vezelay. J’escrips au sire Pierre du Rifz, rentier de mon filz de Champs
7satisfaire la dicte partye Et scavoyr de vous sil vous plaist le recepvoir
8ou quil la bailhe audit sieur de Chastelar. Je neusse tant tardé ad ce faire
9si jeusse plus tost trouvé la commodité d’ung porteur pour prandre mes lettres,
10vous suppliant bien humblement madame que jaye cest honneur que destre
11commandé de vous pour me donner plus de moyen de vous faire très humble service
12Car je n’arey jamais chose en plus grande recommandation que celuy là pour le
13debvoir que je vous ay de si long temps ; saluant en cest endroyt
14voz bonnes graces de mes très humbles recommandations, comme aussy faict
15mon filz de Champs, suppliant le Créateur, vous donner
16Madame, en parfecte santé, heureuse et longue vye. De Montellimart, ce XXIIe septembre [1572]
17Votre très humble et obéissante seur prest
18à vous faire service.
19J de ancezune
20